Venus no ta un paraiso placido – esey ta loke nos sa. Den adicion riba e temperaturanan calor di e superficie, y biento den atmosfera cu ta supla riba 250 miya pa ora, ta carga nubianan rond di e planeta un biaha cada cuater dia.
Sinembargo, Venus mes ta draai sumamente lento: un rotacion cada 243 dia di tera – den e direccion robes, opuesto na cada otro curpa celeste den e sistema solar.
Den su totalidad, e atmosfera na tera ta draai riba e mesun velocidad cu e planeta. Asina ta dicon e aire riba Venus, ta supla mas hopi, mas lihe, cu e planeta mes?
E sonda espacial Hapones Akatsuki, awo ta den orbita rond di Venus, ta buscando manera pa resolve e misterio di e asina yama super rotacion.
Esey no ta un simpel multiple choise pa cientificonan planetario. Modelonan di cimputer di nos propio tempo ta faya ora cu aplica esaki na Venus y e conocemento di con e planeta ta opera, por ta superior na e comprondemento di esun di tera.
“Nos no sa kico ta e punto cu falta den meteorologia,” Masato Nakamura, e project manager di Akatsuki a bisa.
Den e añanan reciente, Venus tabata full atras den exploracion planetario, aunke e ta asina cerca di tamaño di tera, compra cu Marte. Pa un tempo largo, cientificonan a imagina cu lo tin un paraiso habitabel bao di e nubianan diki di Venus.
Na final di decada di 50, a bin emisionnan termal intenso, midiendo door di un radio telescopio riba tera, a conta un storia diferente. Venus ta hasa.
E temperatura superficie averahe ta mas di 850 grado – un demostracion di dioxido di carbono, e constituyente primario di e atmosfera di Venus. Nubianan di acido sulfurico ta haci’e un luga menos atractivo pa bishita.
Den añanan 90, e aeronave Magellan di NASA, precisamente a registra e topografia di Venus atrabes di un radar. Cu excepcion di algun flyby door di navenan espacial na caminda pa un otro luga, NASA no a regresa Venus, aunke cu e agencia ta considerando dos propuesta modesto.
Un mision Europeo, Venus Express, a studia e planeta for di 2006 pa 2014, descubriendo entre otro cosnan un capa frigido di atmosfera, minus 280 grado Fahrenheit riba un altitud di 75 miya, comprimi entre dos capa mas cayente.
Pero awo Akatsuki, cu a drenta den orbita December ultimo, a cuminsa cu su trabao. Takehiko Satoh, un di e cientificonan di e mision, a bisa cu un di e “resultadonan mas excitante y sorpresivo” te asina leu a bin casi di inmediato despues cu e nave a yega.
E camara cu a captura luznan infracora for di e top di e nubianan a discubri un lista blanco den forma di arco cu ta expande pa 6000 miya for di casi e polo sur te cu casi e polo norte.
Curiosamente, e caracteristica atmosferico gigante no ta move cu e atmosfera. “Parce cu e ta ancra abao,” Satoh a bisa.
E arco ta sinta riba Aphrodite Terra, un region cu e tamaño di Africa cu ta bay por lo menos 3 miya halto for di e superficie. Cientificonan trahando riba data for di Venus Express, a reporta un hayasgo similar na Juli. E nave chikito – e curpa principal ta un caha no mes grandi cu un frigidaire – ta carga cinco camara, colectando luz den diferente onda pa monitor e atmosfera Venusiano riba diferente altitud.
Den un otro experimento, cientificonan lo observa con e señal di radio for id e aeronave pa Tera ta distorciona ora cu e pasa den e atmosfera. Esey lo revela temperatura, e abundancia di vapor di acido sulfurico y otro propiedadnan. Door di observa e atmosfera, riba diferente altitud, nan por detecta caracteristicanan manera ola cu ta lanta y cay, manera bubble den un lava lamp. Cu Akatsuki, cu ta nifica “atardecer” na Hapones, lo bay tey como resultado di perseverancia y ingenio.
El a wordo lansa na Mei 2010 y a yega Venus shete luna despues. Pero mientras cu su motor principal a faya pa cende apropiadamente, el a pasa e planeta voorbij. “E tabata un momento hopi tristo,” Satoh a bisa.
Dentro di un dia, Satoh a bisa, calculacionnan a indica cu den seis aña, Akatsuki, den orbita rond di e solo na luga di Venus, lo por topa cu Venus atrobe. Pero no tabata sigur si e aeronave lo por mengua su velocidad y drenta e orbita.
Un investigacion a mustra cu un valve di e motor a leak, causando na formacion di salo cu a cer’e. E motor, mientras cu el a cende, a overheat sin por drecha mas.
Akatsuki ainda tabata tin e thrusternan cu por a wordo uza despues di a drenta orbita. Nan no ta mesun poderoso cu e motor kibra, pero nan por wordo aplica suficiente forsa pa slow’e suficiente pa e gravedad di Venus por captur’e. E orbita di Akatsuki ta diferente for di esun originalmente visiona. Na luga di wordo sincronica na e atmosfera cu ta draai, cu por a permiti e cientificonan rastrea cambionan chikito, awo e nave ta draai rond di Venuz den un orbita eliptico grandi.
Esaki ta provee diferente beneficio. Na luga di fiha riba un solo spot, mirando e cambionan chikito, cientificonan awor por mira kico ta pasa riba un escala global, aunke cu nan lo por faya den wak algun detaye.
Akatsuki lo continua na opera te cu por lo menos na April 2018, dependiendo con hopi fuel tin. “Nos sa cu por lo menos tin un kilo di fuel,” Nakamura a bisa.
Si sali na cla cu Akatsuki tin mas, e nave por sigui opera te cu por ta seis aña, el a bisa.
Fuente: Columbus Dispatch