Cientificonan ta bati alarma pa cambionan den corientenan Oceanico

0

CIENCIA

Un di e sistemanan di circulacion Oceanico mas grandi di e planeta, encarga di regula e clima mundial, ta na su punto mas debil di e ultimo 1600 añanan. Esaki lo por zorg pa cambionan ambiental, segun dos estudio nobo publica diaranson den e revista Nature.
Geologo y oceanografonan a bin ta recopilando evidencia convincente di e consecuencianan di e cambio climatico riba e Atlantic meridional overturning circulation, un sistema di awanan hundo cu ta haci e awa cayente di coriente di e North Atlantic Golf, caminda e ta libera calor den atmosfera y ta calenta Europa occidental. “E awa mas friu ta zink door di profundidadnan grandi y ta biaha te cu Antartica y finalmente ta bin bek pa e coriente di Golfo”, Europa press ta splica.
Motor di clima na peliger
Un investigacion preliminar ta presenta pruebanan di cu e awanan superficial di Atlantico Noord (e motor cu ta mantene AMOC den constante movemento) a cuminsa debilita pa 1850, posiblemente door di e aumento di e afluencia di awa dushi, menos diki cu e awa di lama, causa door cu e ijs marino ta smelt y e plataformanan gefreeze.
“Awa dushi ta haci cu AMOC ta debilita ya cu e ta evita cu e awanan ta bira lo suficiente diki pa zink”, David Thornalley, co autor di e estudio a sigura na AFP.
Den un di dos articulo, a analisa e temperaturanan di e superficie di oceano uzando modelonan climatico global pa conclui cu AMOC a disminui cu mas o menos 15% den e ultimo 50 añanan, probablemente debi na e cambio climatico, producto di actividad humano.
Consecuencianan
Segun e acuerdo cu e Institucion Oceanografico di Woods Hole, Merca cu a participa den e investigacion, si e sistema sigui debilita esaki lo por altera e patronnan climatico di Merca y Europa, Atlantico Noord lo bira mas friu, mas tormenta invernal den e continente Europeo, posibel desplasamento di yobidanan tropical pazuid y un aumento mas lihe di e nivel di lama den e costa oost Mericano.
E corrientenan aki ta transporta tambe nutrientenan, oxigeno, larvanan di coral of di pisca den un area pa otro, contribuyendo na e capacidad di e oceano pa absorbe y almacena dioxido di carbon (CO2). Den e sentido aki, piscamento comercial lo wordo afecta como tambe algun especie di pisca, parha y bayena debi na e falta di awanan rico na oxigeno.
Di mes manera, esaki lo conduci na e circulo vicioso ora di “laga mas dioxido di carbon den atmosfera, cu ta contribui na calentamento global”, Thornalley a conclui.

Comments

comments