TAIWAN, China- Un profesor di e Universidad Nacional di Chung Cheng (Taiwan) a inventa un nanochip cu por tumornan maligno den e prome etapa di cancer, den solamente 30 minuut. Esaki segun un informe di e Central News Agency Taiwanes.
E dispositivo innovador aki a wordo desaroya pa dr. Jen Chun-ping, y su chip ta capas di detecta tumornan den e sistema sanguineo di pashentann, ora cu e volumen di e proteina specifico di cancer ainda ta den nivelnan abao.
E metodonan tradicional di diagnostico ta capas solamente di detecta e tumor ora cu e ta den un concentracion grandi, den e etapa posterior di cancer. Ademas, e chip nobo ta rekeri unicamente cinco microliter (5/1000000 parti di un liter) di sanger of urina y un aplicacion di voltahe abao (36V) pa analisa e muestra.
Awor Jen ta buscando socionan pa e comercialisacion di su chip, pero tambe e ta cooperando cu investigadonan Ruso pa desaroya un tecnologia similar cu ta detecta e malesa di Alzheimer.