Ta keda poco dia pa nos por observa e perseidanan, un awasero di meteorito di calidad halto cu ta conoci tambe como lagrimanan di San Lorenzo. E aña aki nan lo por wak cerca di 80 meteoro pa hora pasando den e atmosfera terestre, a pesar cu den añanan specialmente activo manera 2016, e cifra por yega te na 150 pa 200 meteoro pa ora, segun e website space.com
Na 2017, e pico di e actividad lo dia 12 di Augustus pa 5 or di atardi. Por lo tanto, e miho momento pa observa e cuerponan celeste aki lo ta ariba e anochi di 12 pa 13 di Augustus, specialmente algun ora prome. Sin embargo, e aña aki e perseida lo ta levemente mas dificil pa distingui pa motibo di e presencia di e Luna, cu lo ta ariba e mita di cuart menguante.
“E nivel di visibilidad di e meteoronan lo ta di mas o menos mita di normal, debi na e briyo intenso di e Luna. Na luga di e 80 pa 100 cu ta visibel normalmente, lo por observa 40 pa 50 pa ora, ya cu e splendor lo perde den e luz di e Luna. Pero e bon noticia ta cu e perseidanan ta contene hopi di e particulanan luminoso (streanan cu ta cay)]” segun e experto den meteoro di NASA, Bill Cooke a splica.
E fenomeno aki lo ta visibel principalmente den e hemisferio noord. E miho manera, segun Cooke pa disfruta di e espectaculo aki ta for di un luga habri, unda cu gran parti di e shelo ta visibel. Den scuridad, e wowo ta tarda 30 minuut pa adapta su mes den e condicionnan aki, mientras mas tempo bo pasa den scuridad, momentonan prome, e percepcion di e curpanan celeste cu ta atravesa e shelo nocturno lo ta mucho mas miho.
E cometa Swift-Tuttle ta e obheto mas grandi cu ta pasa repetidamente cerca di Mundo. E diameter di su nucleo ta di 26 kilometer. Ultimo biaha cu el a pasa cerca di e orbita tabata na 1992 y e siguiente lo ta na 2126.
Fuente: https://www.space.com/