Un investigado di NASA, Alan Stern a specula cu e opcion di e habitantenan di mundo extraterestre no ta manda niun señal cu cientificonan por detecta ta debi cu e luganan ey ta cubri cu capanan di ijs impenetrable, segun e revista Science.
Stern, principal specialista den e proyecto Nuevos Horizontes di e agencia espacial Mericano, a ofrece e declaracionnan aki durante un reunion anual di astronomonan cu Utah ta sede for di 16 te cu 20 di October.
E astronomo ta di opinion cu mayoria di e sernan bibo cu lo por existi den universo lo pobla oceanonan cu ta bou di superficienan di ijs. Pa e motibo aki tambe, nunca nan lo studia e ijs cu asina hopi esfuerso manera e sernan humano.
Un ekivalente di e programa espacial humano pa contacta cu e presunto sernan lo ta exploracion di e zonanan gevries, un suposicion cu lo por permiti pa sigui cu e reto aki pero di otro manera.
E psicologo y presidente di e ONG Messaging Extraterrestrial Intelligence, Douglas Vakoch, ta calcula cu e extratrestrenan lo ta keriendo cu cualkier forma di vida lo ta den mesun condicion cu esun di nan. P’esey nan no ta considera pa establece comunicación di destancia largo.
Poco tempo pasa astronomonan a descubri evidencia di e existencia di oceanonan gevries den otro curpanan celeste di nos sistema Solar: varios satelite di Jupiter, Saturno, Neptuno y Pluton.
E abertura hidrotermal den fondo di e oceanonan ey por suministra nutircion na e awa di manera similar cu e ecosistemanan den e fondonan di oceano di nos planeta. Nan ta protegi pa un pida ijs cu por ta mas productivo cu e ambiente di nos planeta, cu ta mas wordo mas exponi na radiacion espacial.
Fuente: http://www.sciencemag.org