Tin algo sospechoso acerca di nos actitud relaciona cu pisca. Ta ser calcula cu tin 250 mil especia di pisca den nos oceanonan, pero apesar di nan diversidad di apariencia y comportamiento, hopi hende ta kere cu nan ta “shy”.
Hopi hende ta sospecha cu hopi hende ta subestima e inteligencia di e pisca pasobra nan ta asumi cu e piscanann ta criaturanan primitivo. “Realidad ta cu mayoria di e piscanan riba e planeta aki ta evoluciona den e mesun epoca cu e sernan humano”, segun Culum Brown di e Universidad di Macquarie na Australia, y asistente di Journal of Fish Biology.
Tambe ta posibel subconscientemente pa subestima e capacidadnan cognitivo di e pisca pasobra nan ta biba den un habitat diferente cu esun di nos. Pasobra cu nos a wordo gaña cu peliculanan cu ta ponebo kere den e mito cu e piscanan ta sufri di amnesia. Of pasobra cu simplemente nos ta asumi cu nan ta inteligente pa evita e sentimento di culpabilidad ora cu nos come un sandwich cu fishstick.
Den “Finding Nemo, Dory e pisca blauw cu ta gusta lubida ((Paracanthurus hepatus) ta bisa Nemo: “Mi ta sufri di perdida di memoria riba corto plazo, mi ta lubida cosnan casi di biaha”. Sinembargo, e creencia generalisa di cu piscanan tin recuerdonan di tres seconde despues di a wordo saca for di a awa a wordo bari for di mesa door di expertonan den comportamento animal.
E goldfish por corda cosnan pa tres luna, y por hasta bisa e hora den un manera rutinario. Den un estudio realisa na 1994, investigadonan a train e goldfish pa pusha un palanca cu ta traha, un ora diario a cambio di un recompensa. E pisca a siña tuma bentaha di su bentana di oportunidad, demostrando asina cu nan por diferencia e ora di dia, siña y corda.
Fuente: BBC