Un curpa celeste desconcertante, conoci como “mega structura misterioso”, cu ta comporta su mes diferente cu otro tiponan di strea, a desconcerta astronomonnan di mundo henter, despues cu e ta debilita cu 22% den cuestion di dia.
E strea Boyajian, o KIC 8462852 ta fascina cientificonan amateur pasobra cu e ta perde su briyo regualrmente pa despues bolbe bek na su briyo original.
E fenomeno straño aki ta bolbe bek, cientificonan ta ansioso pa compronde e comportamento straño di e strea aki y asina trece claridad riba su aparencia misterioso.
E strea a wordo descubri na 2015 pa e telescopio espacial Kepler, cual ta observa cambionan den e briyo di streanan distante.
E ta conoci tambe pa e “Strea di Tabby” pa e astronomo Tabetha Boyajian, cu a analisa e data genera pa e telescopio.
E cambio den e briyo no ta mustra e tipo di regularidad cu ta tipico pa e orbita rond di e planeta y ta asina leu e cientificonan no sa con esaki por wordo splica den un sistema di planeta, segun e website cientifico, Space.
Cientificonan te ainda no por a predeci ki ora e siguiente “apagon” lo tuma luga y con largo e lo dura.
Fuente: www.theindependent.com