E mision di e Mars Reconnaissance Orbiter (MRO na Ingles) ton mas di 10 aña caba den e orbita Marciano y ya caba e mester a explora e planeta cora di ariba abao, pero, analisando e imagennan transmiti pa e dispositivo, cientificonan semper ta haya algo interesante. E biaha aki ta un “buraco” gigante, masha straño mes cerca di e zuidpool di e planeta.
Mientras cu casi full e superficie di e planeta ta cubri pa numeroso baranca y craternan, un buraco grandi di casi shen kilometer di diameter, presenta den un imagen nobo publica ariba e webpage di NASA parce di ta mas profundo cu e buraconan promedio di e planeta, lagando astronomonan den un duda grandi riba su origen.
Segun e cientificonan, hopi cos por crea buraconan riba e tereno rocoso di Mars. Asina mes, mas di mey miyon di impacto di meteorito a laga craternan, tubonan di lava a crea poznan profundo, inundacionnan antiguo a cuminsa cu e abismonan gigante y e actividad volcanico a smelt e ijs.
Cientificonan ta admiti cu pa aworaki nan no sa exactamente con pa resolve e misterio di e buraco grandi aki den e zuidpool di Mars. Solamente expedicionnan futuro pa e planeta cora lo por studia e fenomeno aki mas a fondo, segun astronomonan.
Fuente: www.rt.com