WASHINGTON, D.C., Merca- NASA a publica imagennan di satelite di un fenomeno cu a haci e awanan di Lama Morto, bira blauw turkesa. Specialistanan a sigura cu e rason di e coloracion aki ta e presencia di fitoplancton, cu ta microorganismonan cu ta habita den e ecosistema di awa dushi y awa sala.
E sernan aki, den su mayoria, unicel, ta wordo alimenta door di lus solar y di e nutrientenan den e awa cu ta bin for di e corientenan di Danubio y Dnieper, rieunan cu ta desemboca den e Lama Preto. Di otro banda, e filtoplancton ta alimento pa hopi especie di pisca, molusco y otro organismonan marino.
Un di e tiponan mas comun di fitoplancton cu por wordo observa den e Lama Cora ta esun di cocolitoforonan, cu ta tapa cu pidanan blanco di carbonato di calcio.
Di leu, e ta haya un briyo intenso cu ta produci e cambio di e color di awa.
Specialista di NASA, Norman Kuring ta di opinion cu e briyo aki ta esun di mas fuerte cu el a observa. E cientifico, cu ta analisa e fenomeno aki for di 2012, ta sigura cu otro variednan di fitoplancton por haci e awa bira mas scur enbes di haci e awa mas cla. Esmas, un presencia grandi di e sernan aki por conduci na e diminuscion di e oxigeno den awa, y como tal, ta afecta e ecosistema marino.
Fuente: www.actualidad.rtnoticias.com