27-ciclovia
Den combersacion cu Monique Kuiperi di IBISA el a duna un splicacion di con a yega na e idea pa organisa Ciclovia canto di lama tambe.  Hopi famia gusta bai diadumingo lama y pues a combina esaki cu e actividadnan deportivo. Mes momento turistanan tambe ta participa den e actividadnan.

Aruba ta na di 3 lugar den e top di paisnan cu ta sufri di obesidad. Monique Kuiperi a splica cu nan ta promoviendo pa hendenan tuma un estilo di bida mas activo y saludabel y nan ta uzandi diferente forma pa logra esaki. Nan ta bai den barionan, nan ta bai scolnan, nan ta envolve nos grandinan y asta ta promove pa empleadonan publico move mas. No tin un forma adecua pa tur hende pues p’esey ta purba logra e meta aki cu diferente tipo di actividad y p’esey ta bai beach tambe pero na mes momento ta promove mas movecion na trabou.

IBISA ta bezig cu e pilot proyect di Scolnan mas Saludabel y 5 scol ta participando na esaki di e forma aki promoviendo un forma di bida mas saludabel. Por nota si cu hopi biaha ora e muchanan trece treat scol, esakinan a bira mas saludabel y ta bebe mas awa y juicenan natural tambe.