DINAMARCA – Varios empresa y institucionnan Europeo, incluyendo e compania naviera Danes, Maersk, e refineria Ruso Rosneft y e compania Britanico di Publicidad WPP, a bira victima di un ciberatake masivo, protagonisa pa e virus Petya, variante di Wannacry, e ransomware cu a afecta miles di computer rond mundo, durante e luna di Mei.
E atake a cuminsa na Ucraina, unda cu a altera e funcionamento normal di banco y aeropuerto. Riba e pantaya di e computernan ta aparece un mensahe extorsionador, caminda cu ta exigi un rescate di 300 dollar na bitcoin pa e usuario por por bolbe accede na su dispositivo.
Na Rusia, Rosneft, un di e mayor productornan di petroleo di mundo, a bisa cu e tabata victima di un “fuerte atake”, pero a sigura cu su produccion no a wordo interumpi. E siderurgico Evraz, tambe a wordo ataca, un vocero di e agencia di noticia RIA-Novosti.
Cu sede na London WPP, e agencia di publicidad mas grandi di mundo, tabata e prome riba suelo Britanico den informa di e problemanan. E multinacional a informa cu varios di su empresanan a wordo afecta pa “un presunto atake informatico,” señalando cu e compania a adopta e medidanan apropia.
Tambe a wordo ataca e gigante Danes di transporte maritimo, Moller-Maersk, loke a afecta su operacionnan na e puerto di Barcelona. “Nos por confirma cu e sistemanan a cay den varios luga y unidad di e negoshi, debi na un ciberatake,” e compania Danes a confirma, indicando cu e ta sigui “analisando e situacion.”
Otro di e empresanan afecta ta e facbritante di material pa construccion Saint Gobain, cu tin planta na Catalunya.
Entre e empresanan multinacional afecta cu sede na Spaña tambe tin Mondolez Internacional, cu a confirma cu e ta sufriendo un incidencia den su sistemanan di informacion na nivel internacional y cu su ekipo global di gestion di situacionnan special ta tahando riba dje pa haya un solucion “lo mas rapido posibel.”
E ciberatake masivo a afecta na decenas di institucion y empresanan na Rusia y Ucraina. Ucraina tabata e pais mas afecta.
Debi na e atake aki, pasaheronan di e metro di Kiev, no por a paga cu credit card, e borchinan publicitario di aeropuerto di Kiev no tabata funciona y e banconan di Ucraina mester a suspende momentaneamente algun di e servicionan ofreci na nan cliente.
Di su banda, e Banco di Ucrania, unda cu e ciberatake tabata particularmente virulento, a emiti un comunicado advirtiendo di un “atake hacker exterior” riba e paginanan web di algun banco y empresanan publico y priva Ucraniano. Den e sentido aki, banco central a señala cu tur e entidadnan a adopta e medidanan di siguridad pa enfrenta e atakenan aki y a expresa nan confianza cu e infrastructura bancario di e pais aki ta protegi di forma eficiente pa loke ta e ciberatakenan.
Di su banda, e prome minister Ucraniano, Volodimir Groisman, a denuncia un atake “sin precedente”, si ta bon a destaca den un mensahe di Facebook cu “e sistemanan importante no a wordo afecta,” segun e agencia di noticia Reuters, cu a confirma e accionnan contra varios entidad financiero, entre nan e Banco Central y e aeropuerto internaciona di Borispil.
E Conseho di Siguridad Nacional di Ucraina a sigura cu e ciberatake tin fingerprint di “Rusia”.
Kico ta un ransomware y con e ta wordo produci?
Basicamente ta trata di un programa malicioso (malware) cu ta blokia e computernan personal y dispositivonan mobil – tablet, telefon – of cifra di archivonan di e ekiponan infecta pa impedi e acceso na e usuario. E ciberdelincuentenan ta manda un mensahe unda cu nan ta pidi un cantidad di placa (den e caso di Telefonica, 300 dollar na bitcoin) pa desblokia e ekipo y recupera e datonan. E blokeo aki no ta supone un fuga di dato.
Con e atakenan aki ta tuma luga?
E infeccionn di e ekiponan mas comun cu e tipo di codigo dañino aki ta bay via di un email cu ta remiti na un enlace di un pagina riba internet of ora di descarga un file adhunto of navegando online. Asina, ta instala e programa cu ta blokia e ekipo.
Fuente: http://www.lavanguardia.com/