Den nos seccion di salud di ayera nos a bin cu e propiedadnan di cacao. Pero awe, nos tin un alternativa masha dushi y placentero pa preveni diabetes: come chuculati.
E delicia scur aki ta contene un compuesto yama epicatekina, un substancia antioxidante cu por mehora e secrecion di insulina den celnan determina. Insula ta e hormoon cu ta controla e glucose of sucu den sanger, cu ta alcansa nivelnan insalubre den diabetes.
Ora un persona tin diabetes, su curpa no ta produci suficiente insulina of no ta procesa e sucu den sanger corectamente. E rais di e problema ta e mal funcionamento di e celnan beta, di cual trabao ta produci insulina. Den e estudio nobo, investigadonan di Brigham Young University (BYU) na Utah, Merca, a haya cu e celnan beta ta funciona miho y ta mantene mas fuerte si presenta un mayor cantidad di monomero di epicatekina, compuestonan cu por haya naturalmente den cacao.
Pa descubri esaki, investigadornan a alimenta cu e compuesto di cacao na un serie di animal cu tabata bao di un dieet halto den vet. Y a comproba cu haciendo esaki, e compuesto a logra disminui e nivel di obesidad y aumento den nan su capacidad pa lidia cu e nivelnan halto di glucose den sanger.
Kico ta haci cu sucu ta subi den sanger?
E ekipo di BYE, lidera pa Jeffery Tessem, profesor asistente di nutricion, dietetico y ciencia di alimentacion di BYU y su coleganan, tabata kier a investiga con esaki lo sosode na nivel celular y a descubri cu e compuestonan di cacao denomina monomero di epicatekina tabata e responsabelnan di aumenta e capacidad di e celnan beta di segrega insulina.
Sin embargo, tin un trmapa, Tessem, lider di estudio a bisa. “Ta probabel cu bo tin cu come hopi cacao y ta probabel cu no kier pa e tin mucho sucu: ta e compuesto di cacao ta loke bo ta busca.”
E secreto di cacao
Aunke tabata tin un gran cantidad di investigacion riba compuestonan similar durante e ultimo decada, ningun hende tabata capas di determina cualnan ta esunnan mas beneficioso of con e beneficionan ta aporta, te cu awo. E investigacion aki ta mustra cu e monomeronan di epicatekina, un compuesto chikito di cacao, ta esun mas eficas pa controla sucu den sanger.
“E monomeronan di epicatekina ta haciendo cu e mitocondrianan den e celnan beta ta mas fuerte, loke ta produci mas ATP (fuente di energia den un cel) y esaki ta duna como resultado, mas liberacion di insulina,” Tessem a splica.
“E resultadonan aki ta yuda nos na acerca na uza e compuestonan aki mas efectivamente den alimento of suplementonan pa mantene e control normal di e glucose den sanger y potencialmente retrasa of preveni e inicio di diabetes tipo 2”, e coautor di e estudio, dr. Andrew Neilson, di Virginia Tech, a bisa.
Na luga di habraca riba baranan di chuculati, e cientificonan ta kere cu e punto di partida ta busca forma di extrae e compuesto di cacao, produci’e den cantidad y despues uz’e como un tratamento potencial pa diabetes.
E investigacion aki a wordo financia, den parti, pa e fonacion di e Fundacion di Investigacion y Educacion riba Diabetes y e Asociacion Americano di Diabetes. E hayasgonan a wordo publica den e Journal of Nutritional Biochemistry.
Otro rasonnan pa come chuculati
Dos hayasgo importante y reciente ta suma na e beneficionan di come chuculati: un di nan ta e ekipo di investigadornan di e Instituto Politecnico Nacinal (IPN) di Mexico, kendenan a haya cu e mesun susbstancia aki, e epicatekina, tin propiedadnan anticancerigeno, segun a keda informa diadomingo dia 23 di Juli 2017, den e foro Consultivo Cientifico y Tecnologico na Mexico.
E di dos estudio, di e Scol di Salud Publico TH Chan di e Universidad di Harvard na Boston (Merca) y publica na Mei di 2017 na Heart, a descubri cu e personanan cu ta consumi entre 2 y 6 porcion semanal di chuculati, tin un riesgo di hasta un 20% inferior di desaroya fibrilacion auricular, e tipo di mas comun di aritmia cardiaco.
Fuente: https://holadoctor.com