Segun parlamentario Chris Romero di fraccion di MEP, ta sinti cu Gobierno mester traha un programa pa stimula mas hende local pa drenta refineria pasobra si no haci esaki bo no lo haya local.
Ta casi un siman cu a inaugura oficialmente e reapertura di e refineria, pero tambe Romero a trece algun punto cu ta hopi valido. Manera cu MEP a trece dilanti cu lo ta bon pa involucra nos enseñansa na Aruba, vooral e parti tecnico, pero sa cu Citgo, cu Refineria di Aruba y tambe e contratistanan sigur, lo stimula esaki. No ta solamente e scolnan tecnico, pero tambe esnan administrativo, caminda cu sigur mester hopi di e empleadonan aki. Apesar di esey, ta kere y Romero ta sigur hopi eyfo ta kere, cu Gobierno lo mester por institui un programa paralelo hunto cu esakinan.
E ta bisa esaki cu e programa aki ta pa stimula esnan cu no tin e oportunidad pa drenta e refineria. Ta tende berdad cu no tin suficiente trahado a solicita y cu probablemente mester busca trahadonan di pafo.
E programa aki por stimula esaki.
Kico e programa aki ta?
E programa aki ta hobennan 18 aña bay ariba te cu diferente edad, pa brinda nan oportunidad pa traha den e refineria. E programa aki lo duna nan lunanan intensivo den diferente area. Por ehempel siguridad, Firewatch of tambe Pipefitter, Scaffold building. Ta diferente trabao cu tin eyden. Hasta un Heavy Equipment operator. Esaki ta pa brinda oportunidad pa e trahadonan eyfo por gana mas cen. Hopi biaha ta tende awendia cu mayoria di esnan cu tin cierto diploma of cu no tin diploma, ta gana un salario minimo. Esaki ta brinda por ehempel na esnan cu algun aña pasa kier a kies den e area tecnico, pero pa motibo cu no tin refineria y no tin trabao eyfo, a kies otro ramo, direccion. Awor aki ta brinda nan oportunidad caminda cu nan por sigui e programa aki y asina haya un trabao eyden.
Esnan cu no a caba scol, cu tin riba 18 aña, awor cu e programa asina aki por brinda nan e oportunidad pa por haya un miho trabao y por percura pa nan mes na un miho manera.
Tambe tin esnan cu ta den benta, cu awe por ta, no ta contento cu esey, nan kier cambia pa bay den un safety. Tin esnan cu por ehempel ta core bus, nan por cambia y bay purba den heavy equipment operator. E ta brinda un oportunidad amplio pa diferente di nos hendenan.
Den pasado caba el a yega di wordo haci, ta bin cu un programa, brinda tur esnan e oportunidad aki na Aruba, cu no tin e entrenamento adecua pa e refineria, pero e programa aki ta pa brinda nan e oportunidad aki y reeduca nan pa asina nan por traha den e refineria y asina lo evita cu lo mester importa hopi trahado di afo, segun Chris Romero.