BEIJING, China — E radio telescopio mas grandi na mundo, a cuminsa busca señalnan for di strea y galaxianan y por ta, bida extraterestre riba diadomingo, den un proyecto demostrando e ambicionnan creciente di China, den espacio y su buskeda di prestigio cientifico internacional.
Beijing a hinca biyones den tal proyectonan cientifico ambicioso como tambe den su programa espacial sosteni pa defensa, cu ta wak cu e lansamento di e di dos estacion espacial di China mas na principio di luna.
Midiendo 500 meter den diameter, e radio telescopio ta hinca den un caldera natural den un paisahe pintoresco di formacionnan di cero den e provincia sureño di Guizhou. A tuma cinco aña y $180 miyon pa completa y surpasa e Observatorio Arecibo di 300 meter na Puerto Rico, un dish uza den investigacion riba streanan cu a hiba nan pa gana un Premio Nobel.
Diasabra, dia 24 di September, un potret saca pa Xinhua News Agency, un bista aereo ta mustra un Aperture Spherical Telescope (FAST) di 500 meter den e condado remoto di Pingtang, zuidwest China, den e provincia Guizhou. China a cuminsa opera e radio telescopio mas grandi na mundo, pa yuda busca bida extra terestre.
Xinhua News Agency a bisa cu cientos di astronomo y entusiasta a mira e lansamento di e telescopio aki, den e condado di Pingtang.
Investigadonan, cita pa e media di estado, a bisa cu FAST lo haci investigacion pa olanan gravitacional, detecta emisionnan di radio for di strea y galaxianan y scucha pa señal di bida inteligente extra terestre.
“E meta final di FAST ta pa discubri e ley di desaroyo di universo,” Qian Lei, un investigador asocia cu National Astronomical Observatories di e Acadamia di Ciencia Chines, a conta CCTV.
“Den teoria, si tin civilisacion pafo den espacio, e señalnan di radio lo wordo manda lo ta simliar na e señalnan cu nos ta ricibi ora cu un pulsar (spinning neutron star) ta yegando na nos,” Qian a bisa.
Instalacion di e structura di 4450 panel, yama Tianyan, of Wowo di Shelo, a cuminsa na 2011 y a wordo completa na Juli.
E telescopio ta rekeri un silencio radial dentro di 5 kilometer (3 miya) radius, resultado di relocacion di mas di 8000 persona for di nan cas den ocho pueblo pa traha caminda pa e facilidad, e media di estado a bisa.
Reportenan na Augustus a bisa cu e habitantenan lo wordo compensa cu placa of casnan nobo for di un budget di mas of menos $269 miyon di un fondo y prestamonan di banco.
CCTV a reporta cu durante un test reciente, e telescopio a ricibi señalnan di radio for di un pulsar, cu tabata 1351 aña luz for di Tera.
E radio telescopio tin dobel sensitividad compara cu e Observatorio Arecibo y cinco pa 10 biaha e surveying speed, Xinhua a bisa.
China tambe a completa cu e construccion di facilidadnan turistico manera un deck pa observacion riba un cero den cercania, e reportahe a bisa. Facilidadnan asina por yama bishitante – esun na Puerto Rico ta yama 90 mil bishitante y mas of menos 200 cientifico cada aña.
Na comienso di luna, China a lansa Tiangong 2, e di dos estacion espacial y e paso mas recien den su programa espacial militar cu tin intencion di manda un mision pa Marte den e proximo añanan. Na Augustus, e pais a lansa su prome quantum satellite, expertonan a bisa cu lo avansa esfuersonan pa desaroya e habilidad pa manda comunicacion cu no por wordo penetra pa hackers.
Fuente: The Statesman