AFRICA – E veloz Cheetah rapidamente ta na caminda pa extincion di acuerdo na un estudio nobo haci den e cifranan cu ta cayendo.
E rapport ta calcula cu tin mas of menos un 7100 di e mamiferonan mas veloz cu awo ta den wild.
Cheetahnan ta den problema pasobra nan limitenan ta bay pafo di e areanan di proteccion y ta drentando constantemente den conflicto cu humanonan.
E autornan ta yama pa un re-categorisacion urgente di e especie for di vulnerabel pa na peliger.
Di acuerdo cu e estudio, mas di mita di e cheetahnan na bida, ta biba den un populacion cu ta varia den seis pais den e parti zuid di Africa.
Cheetahnan na Aria esencialmente a wordo extingui. Un grupo di algun menos cu 50 individuo ta wantando duro na Iran.
Pasobra Cheetah ta un di e carnivornan cu un limite amplio, e ta bay den teranan pafo di areanan protehi. Mas of menos 77% di nan habitat ta cay pafo di parke y reservacionnan.
Como resultado, e animal ta lucha pasobra e teranan aki constantemente ta wordo desaroya door di agricultornan y e prooi di e cheetah ta birando menos pa motibo di jaagmento.
Na Zimbabwe, e populacion di e Cheetah a cay for di 1200 pa 170 animal den 16 aña, cu e causa principal cambionan grandi den e area.
Investigadonan envolvi den e estudio ta bisa cu e menasa cu e predador ta enfrentando ta bay demasiado leu sin ningun hende a ripara.
Si e especie ta di sobrevivi a largo plazo, e ora esfuersonan urgente mester wordo haci pa tackle e ampliacion di areanan protehi.
E reportahe aki a wordo publica den e journal Proceedings of the National Academy of Sciences.
Fuente: BBC World