Diahuebs anochi polis a mira cu e chauffeur di un Hyundai Sonata color blanco tabata violando reglanan den trafico na altura di Palm Beach Plaza. Preparando pa control di documentonan necesario, a duna e conductor un señal pa stop.
E conductor a wordo pidi pa por mustra e documentonan necesario, pero no a cumpli cu e ordo aki. A pidi e conductor pa mustra su rijbewijs valido pa core e auto, pa asina polis por revis’e. Tampoco a cumpli cu esaki. E chauffeur no abata papia un pipita di Papiamento, tampoco e por a mustra un vergunning di estadia valido of paspoort, of cualkier otro tipo di identificacion.
E chauffeur a bisa polis cu e ta SMRP di Venezuela. El a wordo deteni y hiba warda di Strandpolitie. A tuma contacto cu IASA/WNC, kendenan a informa cu e persona aki tey for di September di 2016 pa 15 dia. Desde e tempo ey e mester a bandona e isla. Persona di WNC lo pasa busca RP y percura pa sigui trat’e. E auto a keda na atras na e sitio.