Diasabra anochi riba e caminda principal pariba di Airport altura di Wayaca Falls a sucede un accidente di auto basta fuerte cu tres vehiculo envolvi. Patruyanan di biaha a presenta na e sitio y cera e caminda debi cu e autonan tabata stroba trafico. Unidadnan di ambulance y rapid responder tambe a acudi na e sitio.
Tabatin muchanan y hende grandi herida y a keda atendi y transporta pa hospital. Segun declaracion cu autoridad a haya ta un yaris bayendo ariba kier a bay pasa auto, pero chauffeur di e chevrolet pickup a mira esaki a baha caminda pa e yaris no dal frontal cune, y e yaris a dal riba e pickup preto y un otro pickup isuzu a dal tras di e chevrolet su dilanti. Tres auto a keda kibra den e accidente.