For di Camacuri diadomingo marduga automobilistanan tabata sigui un byd cu tabata core zig zag riba caminda. E chauffeur tabata bay den banda contrario constant. Riba caminda di Savaneta e byd shinishi a baha caminda na su man drechi y ranca palo di luz completo. Basta waya di coriente tabata benta riba caminda. Polis a presenta di biaha pa cera e caminda y solicita pa personal di elmar presenta pa cuminsa cu e trabounan di biaha. E chauffeur mes a keda deteni pa core auto bou influencia di alcohol.