Dialuna marduga polis a haya un melding cu lo tin un auto para mei-mei di caminda den Emanstraat net banda di Thiel Corporation. Patruya di Playa ta yega na e sitio y di berdad ta topa cu un Hyundai Matrix berde tur destrui para mei-mei di caminda. Polis a constata cu e chauffeur pa un motibo of otro lo a bay dal riba un palo di lus cu consequencia cu e tire dilanti banda di e chauffeur a kibra por completo unda cu e auto no por a sigi mas.
Door di e impacto e palo di lus tambe a sufri daño y tawata tin waya di coriente ta colga ariba caminda. Polis a notifica personal di Elmar cu a presenta mesora na e sitio pa atende cu e situacion. Den e auto polis a nota cu e radio a wordo ranca y no ta descarta cu e auto a wordo horta. Pa mas investigacion polis a tuma e auto den beslag. Polis a tuma datos.