Diahuebs pasa di 11:45 anochi na Calbas habitantenan a scucha un desordo pa despues coriente bay. A sali pafo constata cu un auto silvia blanco a dal basta duro den e palo di luz y e chauffeur ta purba di bay pero e auto no tabata por a core mas. Area grandi a keda sin coriente, Calbas, parti di Jaburibari, Catiri te cu rotonde Tanki Leendert. Manera Polis a yega e chauffeur a core bandona e sitio drenta mondi den e scuridad. Elmar di biaha su personal a subi caya pa asina resolve e problema pa suministra coriente bek pa esnan afecta. Polis a tuma e auto den beslag.