Chauffeur a alga su auto Colorado total loss

Diamars anochi den e lorada skerpi di Calabas pa Jaburibari un accidente basta fuerte a keda registra unda un auto a dal frontal cu un mata di kwihi y e chauffeur a resulta herida. Polis di Noord y esnan di trafico a presenta cu urgencia na e sitio y topa cu un chevrolet colorado blanco mey mey di caminda y e chauffeur cu kap na cabes. A conta cu e la perde control pa via di un cacho preto cu a crusa su dilanti. E auto a keda total loss. Ningun persona no a kere e storia di e cacho preto cu e homber a menciona pa despues di algun rato un cacho preto cu bruin a yega na e sitio y keda den bisindario di unda e accidente a tuma lugar. Personal di Ambulance a presenta y aki a hiba e victima pa Eerste Hulp.