Club Kibrahacha 60+ conhuntamente cu MFA Paradera y Noord ta extende un invitacion pa un charla cu ta tuma lugar diamars 27 y diaranson 28 di Juni.
Tema di anochi ta bira:Kico tecnologia por significa pa 60 plus den su bida diario. Riba ambos anochi informativo ta bay elabora ariba e medionan di comunicacion moderno y oportunidadnan nobo cu tin pa servicio financiero. Meta di ambos anochi informativo ta pa consientisa nos comunidad di cambionan di technologia cu ta influencia e bida diario di nos tur. Cambio den technologia ta beneficia nos tur y pesey ta importante pa nos tur participa. Nos 60 plus tambe!!Expertonan ariba e tereno aki ta bay duna splicacion con importante e ta pa sigui e cambionan den tecnologia cu ta facilita nos bida diario. Durante e anochinan aki ta bay duna informacion y tips con den forma simpel por sigui cambionan den tecnologia.