Pampamissayoq (shaman) sr. Carlos Jorge Illapuma ta duna un charla informativo na biblioteca dia 6 di december, di 7’or pa 9’or di anochi. Titulo di e charla ta ‘La Cosmovision Andina aplicada desde la conciencia del Ser’. Ta trata di un tema spiritual dirigi riba e avivamento di e consenshi di cada ser. Sr. Illapuma lo splica algo di su practica y kico esaki por nifica pa e participantenan. Como cu cupo ta limita ta recomendabel pa registra via emailadres [email protected]
Carlos Jorge llapuma ta un sacerdote Andino di e lineahe di e “Misayoc” -nan of “Paqos”. Naci den curason di Andes Peruano, Cusco-Peru; shaman reconoci, mago, conferencista internacional, sanador y Oraculo Andino.
Sr. Illapuma ta biaha incansablemente cu e proposito di coopera den spiertamento di consenshi di e ser humano y spiertamento di e mago cu ta habita den cada ser di Luz.
E ta na Aruba pa promer biaha realisando un charla gratuito “La Cosmovision Andina aplicada desde la conciencia del Ser”. Tambe lo tene un workshop intensivo di: Maneho di e “Misha Andina” of “Universo Propio”, Sanacion y Autosanacion y “Códigos Andinos” (ta anuncia e fecha despues). Tambe segun cita priva y disponibilidad: Lectura di foyo di Coca (Laurel) y Despacho individual (Despacho pa prosperidad), Limpiesa energetico, Limpiesa di cas of negoshi, Baño di Florecimento.