26-kvk
A tuma luga e presentacion “Belastingontduiking vs Belastingbesparing” na KvK Aruba unda cu e orador Benno Oldenhoff a duna un splicacion kico ta e diferencia entre e dos topiconan aki y con un comerciante por evita di hay’e den problema cu belastingdienst pa falta di conocimento di e sistema fiscal. Interes di e publico tabata grandi pa e topico aki unda cu a haci diferente pregunta na e orador kende a presenta cu casonan di realidad pa asina e hendenan haya un bista di e diferente situacionnan cu por presenta y ki ora cierto actonan ta castigabel of no.
E diferencia entre belastingbesparing y belastingontduiking ta mas tanto e aspecto cu si e hende por defende su mes riba e decision cu el a tuma y por demostra na e Inspector di belasting cu e no tabata un decision a proposito pa evita di paga mas placa na belastingdienst. Belastingbesparing ta haci uzo di leynan cu ta permiti e acto y por proba cu e persona no ta fout.
Hopi importante ta tambe e conocimento di e pagador di belasting pa loke ta regarda e leynan di belasting y tambe cu no mester confia ciegamente den conseheronan profesional pero controla e formularionan di declaracion di impuesto tambe prome cu firma pa loco y entrega esaki. Esaki pa motibo cu si algo a bai fout e pagador di belasting no por culpa e consehero profesional asina sin mas ya cu ta nan dos ta carga e responsabilidad.
Ehempelnan di violacionnan di leynan di belasting ta entre otro entrega incorrecto of laat di un aangifte, keda sin entrega informacion of entrega informacion incorrecto, tene un administacion miserabel y bruha, keda sin cumpli cu e ‘bewaarplicht’ y keda sin entrega e verzamelloonstaat of opgaaf derden. Asina mes ainda tin posibilidad pa rectifica cierto foutnan door di haci un rectificacion voluntario, esta un inkeerregeling.