Champ of the Champs 2017 den su di 11 edicion dedica na Bibiano Croes a ranca sali dialuna ultimo riba veld di Dragon Hitters na Barcadera (X Duracell). Den e prome dos weganan di dialuna anochi den Pool A Balashi Premuim ta derota Spuiters cu a debuta su prome aña den Champ of The Champs. Spuiters tabata ariba 6-0 pero no por a wanta e presion di Balashi kende a bolter e score ganando 13-6. Balashi premium 13 careda, 11 hit, 0 eror. Spuiters 6 careda, 6 hit, 1 eror. Jorge Santana ta resulta pitcher ganado mientras Angelo Arnold ta bay cas cu e derota. Miho bateadonan pa Balashi ta Filbert Thiel di 3-2, Mark Danies 1-1, Egimar Lampe 2-1, Nathan Berkel di 4-3 incluyendo un homerun, Deyon Peterson 3-2 y Jeremy Kelly 1-1 cual bataso tabata un cuadrangular. Pa Spuiters Gerson Croes a bay di 2-2, Raison Alvarado di 2-1. Den di dos wega valido pa Champ of the Champs Royal Power Tat Fat Home Depot ta knock out Logros cu score di 12-4. Royal Power tabata gana 4-3 te den di 4 inning momento cu nan a rally pa habri e wega. Royal Power Tat Fat 12 careda, 12 hit, 0 error. Logros kende tambe ta debuta den Champ of the Champs 4 careda, 6 hit, 4 eror. Jair Thompson ta gana e partido mientras Juan Chirino ta bay cas cu e derota. Miho bateadornan pa Royal Power Tat Fat ta Guyon Cannister y Richard Flanegin di 1-1, Giandrick Lacle 3-3, Luis Pelayo y Kelvin Silvania ambos di 3-2. Weganan di Champ of the Champs lo continua tur dia te cu diadomingo 2 di Juli riba veld di Dragon Hitter. Party Band lo ta animando diasabra y Tsunami lo ta serando diadomingo. Wak pa Bo tey.