Chaco Cornelio lo ta referee na Rusia

0

Dialuna atardi Grand Master Chaco Cornelio a biaha pa Rusia pa fungi como referee internacional na e Grand Prix di Taekwondo na unda cu e 16 miho atletanan di mundo lo enfrenta otro. Esaki ta e prome Grand Prix di Taekwondo di aña 2017.

Despues di e Grand Prix, Grand Master Chaco Cornelio ta keda Rusia pa fungi como referee na e Russia Open tambe. Master Melvin Rasmijn kende ta Grand Master Chaco Cornelio su alumno di mas bieu y sr. Vinette …. representante di Lotto pa Deporte tabata na airport pa desea Grand Master Chaco Cornelio exito. Ta hopi importante cu nos yiunan di tera ta wordo invita pa tur e eventonan grandi rond mundo pa asina para referee. Manera cu Grand Master Chaco Cornelio yega bek for di Rusia, e lo biaha pa Costa Rica pa e para referee na e Pan Americano y e Costa Rica Open.