CEUTA, Morocco – Polis a detene dos Morocano kendenanan a purba di contrabandea migrantenan den e enclave Spaño Nor Africano di Ceuta – dos scondi den un auto y uno den un maleta.
Ora cu polis a check un auto dialuna, un persona a wordo haya scondi den e dashboard y un otro den sienta patras.
E muhe y e homber, di posibel origen Guyanes, a ricibi prome auxilio ya cu nan tabata tin poco aire pa hala rosea.
Separadamente, un homber hoben Africano a wordo haya scondi den un maleta di un hende muhe.
E incidente aki a pasa dia 30 di December y atrobe, e homber – supuestamente for di Gabon – tabata rekeri atencion medico ugente.
Un muhe Morocano di 22 aña a purba di contrabandie den Ceuta, pero douane a orden’e pa e habri e maleta, cu tabata mara na un garoshi.
E incidentenan ta coincidi cu un intento en masa door di Africanonan di Sub Sahara pa yega na e heki di 6 meter cu ta separa Ceuta for di Morocco.
50 Morocano cinco guardia fronteriso Spaño a wordo herida, mientras cu 1100 migrante a purba di bula e heki diadomingo.
Ningun a logra, pero dos persona a keda herida subiendo e heki y nan a wordo hiba na hospital na Ceuta. Un guardia a perde un wowo, oficialnan a bisa.
Un intento similar a tuma luga dia 9 di December cu a envolvi mas di 400 migrante Africano. Tabata tin asina hopi intento door di Africanonan di sub-Sahara cu ta biba ilegalmente na Morocco, kende desesperadamente kier yega Europa. Melilla, un otro enclave Spaño di Nor Africa, ta wordo similarmente enfoca door di migrantenan.
E enclavenan ta e unico frontera di Europa na Africa.
Mayoria di e migrantenan ta wordo intercepta y manda bek pa Morocco, mientras cu esnan cu logra bula e hekinan eventualmente ta wordo repatria of laga liber.
Fuente: BBC World