CARACAS, Venezuela- Un 47 % di e Venezolanonan ta mustra di ta na fabor di un imposicion di sancionnan contra di e regimen di presidente Nicolas Maduro di parti di Merca. Esaki ta segun un encuesta divulga diaranson na Washington pa e centro di estudio estudios Atlantic Council.
E encuesta ta mustra cu e dato ta diferencia entre esunnan cu ta defini nan mes como contrario na e regimen (81%) contra di apenas 9% di esunnan cu ta bisa di ta apoya e tipo di medidanan a pesar di ta mustra faborabel na e actual gobierno.
Di mes manera, e encuesta ta mustra cu apenas 36% a bisa di a wordo afecta pa e varios sancionnan adopta di parti di Washington den e ultimo lunanan.
Gobierno a denuncia na comienso di luna di December ultimo cu e sancionnan aplica pa autoridadnan Mericano a blokia 3 biyon dollar y cu a afecta henter e poblacion.
Sin embargo, apenas dos siman pasa, secretario di estado di Merca, Rex Tillerson, a sigura cu Washington ta studiando con pa sanciona Venezuela, pero limitando e daño na e ciudadanonan.
Segun e encuesta, un 60% di esunnan encuesta ta considera necesario un campaña di yudansa internacional cu ta sirbi pa mehora e situacion economico di e pais, incluso, un tercera parti di esunnan cu ta defini nan mes como oficialista lo acepta e yudansa aki a pesar di cu esaki lo ta en contra di nan creencianan ideologico.
Entre e principal preocupacionnan di e poblacion Venezolano, 28.6% a menciona e carencia di alimentoann den e pais como e problema mas grandi, mientras cu 13,4% a bisa cu e costo di vida halto y un 11,8 % ta debi na e crisis economico como asuntonan primordial.
E encuesta a tuma luga na nivel nacional entre 17 y 29 di Januari ultimo, prome cu Maduro a anuncia e adelanto di e eleccionnan presidencial.
Fuente: https://www.el-carabobeno.com