Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda for di Solito direccion Tanki Leendert cu entrante diahuebs 5 di juli 2018 for di 9’or di mainta lo bay cera e crusada na altura di Acero Hardware Building pa asina por cuminsa construi un rotonde.
E desviacionnan di e caminda ta lo siguiente:
• Trafico for di Oranjestad ta wordo desvia na man drechi di Tanki Leendert #2 direccion
(straight) te na Tanki Leendert #8a. Subi man robes te na Tanki Leendert #106 (Glenn’s Place) drenta man robes te na Tanki Leendert # 98 pa asina subi e caminda di Solito-Tanki Leendert bek.
• Trafico for di Catiri -Tanki Leendert ta wordo desvia na man robes, na altura di Tanki Leendert #98 te na Tanki Leendert #106 (Glenn’s place) pasa via di Sero Patrishi, pariba di e dam na Tanki Leendert, y na altura di Tanki Leendert #8a ta sali bek riba e caminda di Solito/Tanki Leendert.
Borchi y baricadanan lo wordo poni pa asina indica e desviacionan di trafico y e trabou aki lo tin un duracion di 3 luna.
En conexion cu e trabou menciona Departamento di Obra Publico ta haci un peticion na tur automobilista pa sigui e borchinan di indicacion y ta pidi pa tene cuenta cu e inconveniencianan cu lo por surgi y ta gradici pa e comprension.