Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda di Frans Figaroa te na e crusada di luz di trafico di Noord, cu entrante diaranson 18 di juli 2018 for di 9’or di mainta te 6’or di atardi nos lo cera e caminda menciona pa motibo cu mester raspa y asfalta e caminda.
Desviacionnan ta via Montaña y Sabana Liber y e trabounan akinan lo tin un duracion di 2 siman.
Mester menciona cu despues di 6’or di atardi, e caminda lo wordo habri bek pa tur automobilista.
En conexion cu e trabounan menciona Departamento di Obra Publico ta haci un peticion na tur automobilista pa no haci uzo di e camindan menciona y ta pidi pa tene cuenta cu e inconveniencianan cu lo por surgi pa cual nos ta pidi nos disculpa.