AHATA a mira rond di Juli y Augustus di 2015 cu diripente Venezolanonan tabata kedando na hotelnan leu for di beach, a cuminsa cambia pa apartamento y condominium. E ora e volumen di trafico pa e hotel di parti di e Venezolanonan a cay drasticamente. E trafico di Venezolano a sigui crece te cu Maart y na April di e aña aki, a dal un buelta di 180 grado, segun CEO di AHATA, Jim Hepple.
E cantidad di Venezolanonan a cuminsa cay dramaticamente y e area cu a cuminsa mustra con hopi el a cay, tabata den casnan priva, apartamento y tambe condomium. De hecho, compara cu e mesun tempo aña pasa, e cantidad di Venezolano kedando na hotel a hisa un tiki. Henter e situacion a boltia, segun Hepple. No ta un gran cantidad, pero e trend ta bayendo den e direccion corecto.
Pa loke ta ocupacion, e cantidad ta mustra e ocupacion e aña aki te cu September, ta mesun cos cu esun di aña pasa, rond di 78 a 79 porciento. Loke a pasa desafortunadamente, pa mantene e nivel, e hotelnan mester a duna descuento. Esey ta e refleho di loke a pasa, pasobra cada isla Caribense tin e mesun problema, pa mantene e nivel di ocupacion, nan mester a duna descuento. Desafortunadamente e cliente ta busca pa un bon prijs, un bon deal y esey no ta bon pa tur hende. Consecuentemente mientras cu ta purba di mantene e ocupacion, no ta mira e ingreso cu lo kier mira.
Pa loke ta e plan di futuro, pa enfoca mas riba Merca, pasobra ta kere cu esey ta e mercado di mas fuerte di tur. Cu e vuelo for di Fort Lauderdale y algun asiento adicional for di Atlanta lo por yuda den termino di provee mas asiento. Pero na fin di dia, mester genera mas vuelo for di Merca pa por aumenta e calidad di demanda pa e hotelnan y una bes cu haya crecemento di demanda, por haci cu por hisa e prijsnan un tiki. Esey ta reto grandi cu tin dilanti cu tin cu adresa e asientonan for di Merca.
Pa loke ta Europa, loke ta bin ta pasando cu e tipo di negoshi cu ta haya di Europa, ta sea cu e trafico di charter for di Reino Uni, pa loke ta e caida di balor di pount, contra cu dollar, ta mas halto awo pa e bishitante Ingles. Tin algun trafico aero programa cu ta bay pa resortnan manera ‘Bucuti, Manchebo y ta bay pa e hotelnan mas grandi manera Marriott. E aumento tambe ta riba other accomodation, caminda cu 60% di nos bishitantenan Hulandes, cu ta keda den apartamento of ta bishita amigonan.
Cu Alemania, ta mesun cos. Esey ta un trend cu tin cu bay enfrenta y custuma cune y ta pesey ta importante pa e tipo di calidad di acomodacion cu ta wordo provee na e bishitantenan ta di bon standard, segun Jim Hepple.