Ariba e fecha di 24 di mei 20 ana pasa e projecto trai merdia a cuminsa caminda esaki tabata tin como meta yuda e muchanan despues di school pa tin algo di hasi tanten nan mayor ta traha pa cual nos a papia cu Sra. Mirna Hermans- Jojaquin cu a cordina e celebracion di 20 aña ta splica con tur cos a cuminsa net 20 añ pasa.
Traimerdia a cuminsa como un “naschoolse opvang”, unda muchanan ta wordo yuda cu nan huiswerk, ta haci deporte y recreacion cu nan, te cu 5.45 di atardi. Despues di e ora di huiswerk, e muchanan ta sigui cu actividadnan deportivo.
Durante e ultimo añanna Traimerdia a crece di 1 centro pa 10 centro den 20 aña, pa un total di 1000 mucha. Tin demanda pa mas. Y tin hopi mucha ariba lista di espera, pero no por yena e klasnan cu hopi mucha y si un cay afo, e ora por acepta un otro mucha.
E intencion di Traimerdia ta pa sigui crece, pa mas mucha por asisti na Traimerdia, pa asina mayornan por bay traha mas trankil. Tin mucha cu ta gusta y nan ta bin cu placer, cual ta un satisfaccion pa e trahadonan di Traimerdia.
Por ultimo Sra. Hermans- Joaquin a bisa cu por wak bek ariba un dia fructifero y tabata un dia exitoso. Tabata un dia unda lo tin baile, show y weganan pa e muchanan cu ta keda den e Centronan di traimerdia, pa asina celebra e 20 aña di Traimerdia.