Por mira cu Centro di Bario ta mustra cu a bay atras siendo cu den añanan cu a pasa nan a bin cu reparacion chikito so. A yega e momento caminda cu reparacionnan grandi mester tuma luga. Presidente di Centro di Bario, Ray Ann Hernadez, mes ta splica.
Entre otro problemanan tin e dak di e luga cu ta hayando hopi lekkage caba y esey ta un proyecto grandi cu ta bay tin mester di hopi fondo. Mescos cu e canchanan di futbol tambe cu desde 2011 unda cu DTI a manda un carta caminda cu e luz cu palo y todo mester wordo cambia. Esey ta un proyecto grandi ariba su mes.
Tambe e rais di e matanan rond di e veld deportivo y tur esaki mester renoba. Esaki ta proyectonan grandi y esaki ta haci cu den 2018 y 2019 ta bay tin un serie di fundrashing grandi y tambe proyect dossiernan ta bay wordo entrega na e instancianan pa haya subsidio pa por logra cu e centro lo bira optimal atrobe.
E prome evento ta bay tuma luga awor dianan 25, 26 y 27 di Mei, cu ta un idea di Ministerio di Asuntonan Social cu a lanta un special proyect team pa percura di trece mas atencion na tur e centronan di bario. Ya cu nan tur ta pasando den dificultad anto e proyecto a ser yama ‘Ban Cultiva’.
Nan kier haci e evento aki caminda cu e publico en general por haya informacion tocante bo desaroyo fisico, movecion, come saludabel y ta bay uza e oportunidad pa splica e importancia di centro di bario. Asina kisas por haya boluntarionan. Nan a regla tambe pa e evento ‘Ban Cultiva’ pa tuma luga full e weekend.
Tin un otro fundacion nobo den conhunto cu centro di bario den e mesun direccion di e area social cu ta Fundacion Maneho Social Aruba y nan a uni forza pa bin cu un radio teleton cu ta beneficia tanto centro di bario como tambe e lansamento di e fundacion nobo aki.
Nan ta keda traha den e mesun area cu centro di bario, unda cu tin stipula pa yega na 350mil. E proyecto cu centro di bario mes tin ta bay yega rond di mei miyon florin.
Lastimamente, Futbol di Sala a muri na Centro di Bario. Veld di Tanki Leendert ta e unico veld na Aruba cu midimento ta e unico cu ta meet e standardnan di FIFA, pa competencia di Futbol di Sala. Pa pidi ayudo cerca nan mes, pero centro di bario no ta afilia na AVB y esaki ta esun encarga pa duna autorisacion pa haci e peticion.
Tin cu bay sondea e posibilidad pa toch bin cu un samenwerking pa esey y kisas cu e team di futbol di Tanki Leendert mes. Pero awor aki pero prome ta bay traha riba e proyect dossier cu tin anto despues ta bay traha den un plan mas concreto pa bay entrega na esun concerni. Te asina leu relato di Sra. Ray Anne Hernandez, presidente di Centro di Bario Tanki Leendert.