Durante un conferencia di prensa, Sr. Dennis Burke, presidente di Centro di Playa Pabao a splica tocante e actividadnan pa e aña aki.
Sr. Burke a splica cu a cuminsa cu lesnan di baile, di hip hop cu breakdance. E lesnan ta wordo duna Alexei Espinoza, cu ta duna e hobennan lesnan di baile. Den luna di April, Centro di Bari Playa Pabao lo cuminsa cu lesnan di baile folklorico, pero lo bin cu mas informacion mas den transcurso di luna.
E siguiente actividad tabata Dia di Betico cu tabata un paseo riba bicicleta y e actividad aki tabata un exito rotundo. Tabata tin mas o menos 250 participante, cu ta un record pa locual ta e actividad di Dia di Betico. Tambe dia 7 di Februari tabata tin un festival di costume di material recicla, danki na Cede Aruba y tambe na Prins Bernhard Cultuurfonds cu a contribui pa cu esaki tabata un exito.
Sr. Burke a sigui splica tocante un otro actividad den luna di Februari, cu no a wordo organisa door di Centro di Bario Playa Pabao, pero mas bien di parti di anti socialnan cu a drenta den Centro y a bay cu tres mesa y a kibra e dak. Segun Sr. Burke, pa bay cu tres mesa ta paso e ladronnan tin pensa di habri un centro di bario.
Tambe Centro di Bario lo bay tin lesnan di salsa. Pa esaki lo cobra 60 florin pa cuater les. Por inscribi tur mainta di 8 or pa 12 or y di 2 or pa 6 or. Tur esunnan cu kier bin na e les gratis aki, ta bon bini.
Dia di Hende Muhe, tambe lo organisa un actividad y como orado invita lo tin Henrietta Werleman, di Stichting Bob, segun Sr. Burke, Presidente di Centro di Bario Playa Pabao.