Bo ta keda cordialmente invita pa asisti na e celebracion: CAR 1 aña di existencia ! Bini un bini tur dia 14 di october na centro di actividad Rancho cuminsando for di 6pm te 9pm y conoce nos centro. E anochi aki bo por mira e EXPO di Tempo pa Click, participa den actividad creativo of relaha bo mente den Aire Liber CINE unda lo presenta documentario y short films tocante e historia y cultura di e bario di Rancho.
Riba 14 di october 2016 Centro di Actividad Rancho a habri su porta pa publico. E centro di actividad situa den Koningstraat 38, Rancho ta functiona como un centro social
-cultural unda habitantenan di bario por participa den diferente actividadnan. Den e
ultimo lunanan a ofrece workshops y tambe a ehecuta exposicion, lectura y Artist Talks den e centro. Un gran parti di e actividad y proyectonan aki
a wordo Cofinancia cu ayudo di CEDE Aruba y otro partnernan. Awor fundacion Rancho ta trahando riba un programa mas stabiel pa crea un cantidad di actividadnan social- cultural pa aña 2018.
Centro di actividad Rancho no por existi sin ayudo di su boluntario, studiante y partnersnan. For di cuminsamento nan a dedica nan mes den e centro. Pa aña 2018 lo purba di transforma CAR den un centro di actividad social- cultural y trece e comunidadnan den Rancho pero tambe di henter Aruba hunto, teniendo na cuenta cu tur e desaroyonan den de mundo social- cultural.
Riba e facebookpage: centro di actividad Rancho henter publico ta wordo informa di e actividadnan cu lo tuma luga den CAR. Pronto lo tin un seccion riba e website di stichting Rancho unda lo por haya mas informacion. Ta mas cu sigur cu centro di actividad Rancho lo sigi produci mas actividadnan pa bario y su comunidad. Si bo persona ta interesa di sa mas of inscribi como boluntario por tuma contact cu Ginelly Quandt actualmente e coordinador di centro di actividad Rancho. [email protected]. Like & Share nos facebookpage: Centro di actividad Rancho