Clausura di 2016 tabata motibo di celebracion na Playa Linda Beach Resort, mirando atras riba un aña yen di logro. Un celebracion festivo, teni recientemente na Renaissance Island, entre tur empleado di e resort a keda demostra cu animonan halto y admiracion mutuo pa un trabou bon haci. Atencion special tambe a keda otorga na miembronan sobresaliente di e team, kendenan a gana e titulo di ‘miho di aña’.
E galardonadonan tabata, pa Nobato di Aña Maidel Barallobre-Yero; ganador di Star Award Valerie Lacle; Empleado di Aña Jessie Arce y Supervisor/Manager di Aña Nigaima Ascencion. Tur e galardonadonan ta bon conoci entre nan coleganan como tambe pa e huespednan di e resort. Tanto Maidel como Valerie ta parti di e resort su masha popular team di Actividad, kendenan ta ehecuta e programa di actividadnan diario como tambe opera e altamente complimenta Kids Club. Jessie, e Empleado di Aña, ta un parti esencial di e team di seguridad, kende ta tanto vigila e resort, como tambe ta intercambia cu bishitantenan riba un base diario pa sigura un toke di cuido special. Nigaima, e Supervisor/Manager di Aña, ta sigui distingui su mes den e papel di Assistant Manager Housekeeping, como tambe tumando tareanan adicional como parti di e Green Team, y ta e clave pa sostene e resort su logronan di ISO-14001.
Reconocimento di e grupo cu tin e impacto mas grandi, a bay pa e Departamento di Housekeeping den su totalidad, cu a gana hopi compliment como e Departamento di Aña. Ta e di cuater aña cu Housekeeping a keda reconoci cu e honor aki, ganando tambe 2004, 2007 y 2011. Resortando bou di e maneho di Executive Housekeeper Ingrid Todd, e resort su departamento di mas grandi ta sigui briya como un di e mihonan.
“Tur nos teamnan merece un ‘danki’ special como cu ta nan experticio combina cu trabou duro y hospitalidad ta sigui tene Playa Linda como un lugar faborito pa bolbe pa un vakantie inolvidabel na Aruba,” asina Gerente General Peter van Grinsven a comenta. “Den aña 2016, particularmente, durante cual inversion y mehoracionnan a sigui keda logra, mientras Playa Linda a mantene su status di casi sold-out, trabou di ekipo a hunga un parti esencial den logra e evaluacion halto di e resort. Tur nos empleadonan merece credito pa esey, y na nos ‘mihonan di aña’ un danki special di nos tur.”
E celebracion di fin di aña, completo cu cena y bailamento riba ritmo di musica di Robert Jeandor & su Solo Banda, a culmina un aña cu bal un merecido felicitacion y gradicimento.