20130120_201551[1]
Diamars anochi compatriotanan di Aruba y nan amigonan di Bonaire a termina e ‘facelift’ di Plaza Betico Croes na Bonaire. E trabounan a cuminsa diadomingo atardi den un ambiente ameno. Dialuna a sigui cu e trabou y finalmente diamars a caba di pone e toke final na e trabou. Plaza Betico tabata den noticia algun luna pasa, ora cu trabounan di expansion di e prison di Bonaire a cuminsa. A sera e plaza completamente y asta a core e noticia cu kier move for di e sitio. Esaki a causa masha malcontento bou dje Arubianonan y amigonan di Aruba na Bonaire. Despues di algun intercambio di email y tambe reunion cu Gezaghebber, a kita totalmente e pensamento di move e plaza chikito aki. E prison a keda cla y en coneccion cu e conmemoracion di e 75 aña di natalismo di libertador Betico Croes a dicidi cu despues di tabata algun luna sera y bandona, ta dun’e tur honor y respet y pone den revishon total. Diabierna pa 10′or mainta tin un ceremonia y anochi Arubianonan lo sigui celebra e dia na Dushi Bites.