E libertad di cada nacion ta e brasa di e hendenan cu nunca ta entrega den transcurso di tempo. E forma con nos ta celebra e regalo di e lucha di nos heroenan ta refleha e bon boluntad pa construi y crea loke ta esencial den terminonan di construccion di un pais.
E escenario di celebracion di Filipina no ta e excepcion ora cu ta trata di celebracionnan di e tipo aki; nos ta ciudadanonan di mundo cu ta contribui na e cultura, economia y frustracion den e berdadero sentido di palabra.
Cu tur e calamidadnan natural cu ta golpia nos nacion, nos ta sigui ta resistente, puro y humilde. E balornan aki ta escencial pa e sobrevivencia cu resto di mundo ta sigui y descubri e sensibilidad pa cambio y desaroyo.
Consulado Filipino na Aruba hunto cu nos compatriotanan bibando riba e bunita isla di Aruba ta celebrando 120 aña di Independencia di Filipina. E tema di e aña’ki “ Paglilingkod at PagdiriwangsaAraw Ng Kalayaan 2018”, apropiadamente ta describi con importante servicio pa comunidad y mundo ta mientras cu ta celebra e aspectonan esencial di libertad y hermandad. Mientras cu nos otro compatriotanan ta sirbiendo comunidadnan stranhero den diferente area industrial y sectornan dirigi riba servicio, na cas nos ta celebra e principal balornan inculca den nos como Filipino y no tin miho forma pa celebra cu duna algo bek na comunidad, nos luga di trabou, nos nacion y finalmente na mundo.
Cu e temanan aki den mente, nos ta organisando nos di tres Parada Filipino dia 10 di juni, diadomingo awor, cual lo ta e vitrina di e beyesanan Filipino y unda cu participantenan lo ta bisti den trahe tipico di Filipina. Nos parada ta cuminsa pa 6:30 saliendo for di McDonald Palm Beach pa Palm Beach Mall unda cu brassbandnan local (Quality Brass y Massive Brass Band) lo compaña nos den e ambiente di celebracion sigui pa un show cultural cu lo presenta talentonan local pa presenta baile- y cancionnan cultural pa entretene tur presente.
No lubida e Benta di Cuminda unda cu lo tin plato- y snacknan tipico pa comunidad purba. E mesun anochi lo proclama e Miss Filipina Aruba den persona di Srta. Tessa Kingsale; Miss Teen Filipina Aruba Jean-kaye Salamatin y “Little Miss” Filipina Jeicelyn Mileidi Tumalad.
Riba 12 di juni, diamars, lo tin e actividadnan protocolar pa 10’or di mainta ora cu ta hisa bandera di Filipina compaña pa ofrenda floral, sigui pa un presentacion cultural cortico y brindis na Wilhelmina Park.