CEDE Aruba ta manda dos boluntario Spaña cu Erasmus+

0
Esaki ta e team cu a haci e proyecto bira realidad. E dos dama boluntario ta para dilanti.
RBC Juli 2018
Funmiles-2018

Dialuna, 11 di juni 2018, dos dama Arubiano a sali pa Spaña pa haci dos luna di trabao boluntario. E proyecto aki a wordo financia door di Erasmus+ y coordina pa CEDE Aruba. E proyecto aki ta e prome forma di coperacion entre Aruba y Erasmus+ den cuadro di trabou boluntario na Europa. Erasmus+ ta un programa Europeo di subsidio cu ta contribui na crecemento economico, empleo y igualdad den oportunidad.

E programa Erasmus+ kier brinda mas hende posibel e oportunidad pa participa den sociedad y e mercado laboral. E enfoce ta ariba desaroyo continuo di habilidadnan y competencianan profesional y personal (life long learning). Na mesun momento e programa ta yuda mehora e calidad di enseñansa, training y formacion di un hoben por medio di cooperacion internacional. Tur esaki ta contribui na e desaroyo sostenibel social y economico.

E dos boluntario cu a bai Spaña ta Natalia Santana Noguera, un dama di 21 aña studiando na EPI cu kier bira trahado social, y Keilah Geerman di 22 aña studiando na IPA pa bira maestra di Papiamento. Nan a ser scogi pa bay representa Aruba den exterior trahando como boluntario cu mucha y hobennan cu limitacion mental na e organisacion Associacion Alba. Medio Augustus nan lo regresa Aruba cu ainda mas conocimiento y habilidadnan. Nan lo presenta e resultadonan di e projecto pa tur esnan cu ta interesa.

Pa prepara nan mes pa e trabao boluntario na Spaña, e boluntarionan a haci un proyecto pa recauda fondo pa yuda cu e gastonan y pa nan mes tin zakgeld extra. Tambe nan a haci diferente training y nan a organisa un presentacion tocante Spañe y e organisacion cu nan ta bai traha.

CEDE Aruba ta sumamente contento cu e oportunidad aki. E ta e prome biaha cu nan ta manda hobennan afo cu un proyecto asina y ta mira hopi oportunidad pa laga e programa aki crece hunto cu mas partners na Europa. E idea ta pa otro anja manda mas hoben pa mas lugar na Europa, pa haci trabao boluntario of pa sera conoci cu culturanan Europeo pa medio di un ‘exchange’.

CEDE Aruba kier a desea e dos damanan hopi exito na Spanje y ta spera cu nan ta bin bek cu hopi ideanan nobo y inspiracion.

Comments

comments

C: Heineken
new india
dvg