Caya grandi ta keda un problema y ta di lamenta cu Caya Grandi a bay atras asina. Pero den 2017 Camara di Comercio lo hasi tur lo posibel pa zorg pe comercio, no solamente den Caya Grandi pero comercio en general por florece.
Trece cambionan positivo den Caya Grandi
E intencion ta pa den 2017 bin un plan con pa handle e situacion. Sr. Mohamed, presidente di Camara di Comercio mes a bisa, cu actualmente no tin un plan ariba mesa ainda. Un di e problemanan mas grandi ta keda e maneho di free entreprise. Hopi hende ta papia di e Caya Grandi di antes, pero pueblo mester compronde cu temponan a cambia, tin mallnan chikito ta habriendo tur caminda. E grupo di Caya Grandi mes, hunto cu otro instancianan, mester wak con nan ta profila nan mes y ki direccion nan kier tuma pa asina competi cu e mallnan grandi.