Casonan di sarna na Venzuela ta bira pio door di escasez di habon

0

CARACAS, Venezuela- Door cu cada biaha e prijs di habon y detergente pa laba paña ta sigui subi, a perturba e habitonan di higiena di un gran parti di e ciudadano Venezolano. cu mester haci un esfuerso cada biaha mas grandi pa mantene nan mes limpi.
Un higiena insuficiente ta e medio perfecto pa e parasito Sarcoptes Scabei, cual ta produci sarna. Segun dr. Xavier Garnica, e malesa aki a aumenta rapidamente den e pais aki, cu a pone cu cada biaha ta bira hopi mas dificil pa baña, laba paña regularmente y haci cas limpi.
E escasez di awa a contribui tambe cu e malesa, cu a obliga e ciudadano pa baña cu menos frecuencia. E hecho cu den hopi sector e awa ta yega sushi y cu holo desagradabel.
Maria Martinez, verpleegster, ta comenta cu e situacion den muchanan ta hopi mas pio, ya cu tin mama ta laga nan yiu sushi pa oranan largo sin cambia nan paña regularmente.
Den e hospital Alfredo Machado di Catia la Mar, ta algo masha normal pa ricibi pashentnan cu sarna. E curacion, cu no ta mucho complica, ta bira dificil door di e situacion di escasez di remedi cu mester pa combati esaki y e costo halto di esaki ora cu hay’e.

Fuente: https://www.lapatilla.com

Comments

comments