Diabierna a tuma luga den Corte di Husticia, e caso contra di M.S.R., S.C.P.K. y A.R.M. ta wordo acusa di, conhuntamente cu otro of otronan, intencionalmente y cu premeditacion, intento di homicidio/asesinato riba 14 di Oktober 2016, dor di los tiro riba un y/of seis persona. Nan ta wordo acusa di posesion di un arma di candela riba e fecha ey.
Notabel tabata ta cu a sinta S.K, separa for di e otro dosnan. Aki tambe fiscal a pidi pa pospone e caso pa asina caba cu cierto investigacionnan tecnico cu falta di e caso.
Abogado mr. van der Biezen a puntra si a haci investigacion di tiro nan man ( pa residuo di polvo). Ta trata aki di un caliber.22 y tambe el a pidi pa un profesional wordo ingeschakeld, den e caso aki un psicologo. Y tambe mr. Van der Biezen ta puntra si tin potret di impactonan di bala ya cu esakinan no ta kom voor den e file di su cliente y esaki ta esencial pa su defensa. A pidi pa busca testigonan cu ta den e gang di Cabes di Clabo. Declaracionnan di e miembronan of esunnan cu ta cana cu Cabes di Clabo ta di esencial importancia ya cu abogado ta sospecha cu esakinan ta sera cabes hunto pa declara contra di su cliente.
Di parti di e sospechosonan M.S.R. y A.R.M, nan abogado defensor mr. Ellis a bisa cu ta conoci caba cu ya pa basta tempo caba tin problema entre e miembronan di e dos gangnan aki. Pa tal motibo ta sostene peticion pa mas investigacion.
Fiscal ta bisa cu e no tin nada contra pa inclui documentonan cu e abogadonan ta pidi. E documentonan en cuestion ta mustra cu M.R. y A.M. no tin nada di haber cu e caso aki. Ta gangnan di Madiki y Noord ta e dosnan cu ta involucra den e problema aki. Al momento tin miembronan di gang sera, den e caso aki miembronan di gang di Madiki.
Hues ta pidi un evaluacion psicologico, pa evalua declaracionnan di testigonan. Esaki ta basa ariba loke abogado vd Biezen a bisa cu e testigonan a sera cabes pa declara
contra di su cliente. Di su banda, mr. Van der Biezen ta enfatisa cu e kier un experto pa evalua e declaracionnan. Den un investigacion conduci a keda cientificamente proba cu e testigonan por a mira loke nan a mira, den e oranan nan ey cu tabata alrededor di 3 or di marduga.
Ambos abogado a pidi pa e tres partidonan envolvi, esta fiscal, hues y abogado pa bay na e luga di sucedido pa 3 or di marduga y pa investiga mas aleu kico lo por a sosode e anochi en cuestion. Esaki ta basa ariba declaracionnan di testigonan.