WASHINGTON D.C., Merca – cas Blanco pidi disculpa na e Gobierno Britanico tras di acusacionnan haci cu un agencia di Inteligencia di Reino Uni a spiona presidente Donald Trump den nomber di ex presidente Barack Obama.
E consehero di siguridad nacional H.R. McMaster, a papia diahuebs cu su homologo Britanico riba e comentario di Sean Spicer, e secretario di Prensa, riba e informe di Fox News, segun cual Fox a bisa cu inteligencia Britanico a yuda un supuesto tapmento ilegal den Trump Tower durante e campaña 2016.
E funcionario a describi e conversacion como “cordial” y a bisa cu McMaster a describi e comentario di Spicer como “involuntario.”
McMaster tambe a bisa na su contraparte cu “su preocupacionnan a wordo comprondi y scucha y cu lo wordo transmiti na Cas Blanco.”
E funcionario a bisa cu tabata tin “por lo menos ds yamada” di funcionarionan Britanico diahuebs y cu e embahador Britanico na Merca a yama Spicer pa discuti e comentario.
“Sean tabata señalando e amplitud di e informenan, no respalda ningun historia specifico,” e funcionario a bisa.
Un alto funcionario di Gobierno a bisa CNN cu Spicer y McMaster a ofrece loke ta ekivale un disculpa na e Gobierno Britanico.
E funcionarionan di Cas Blanco a bisa CNN cu tabata e embahador Britanico na Merca, Kim Darroch y Sir Mark Lyall Grant, consehero di siguridad nacional di e prome minister Theresa May, kendenan “a expresa nan preocupacion na Sean Spicer y na general McMaster” den dos conversacion separa diahuebs.
“Señor Spicer y general McMaster a splica cu sr. Spicer simplemente tabata señalando informenan publico, sin reaspalda ningun storia specifico,” un funcionario a bisa.
Diabierna e agencia di inteligencia Britanico a nenga e acusacionnan di Cas Blanco cu nan tabata spiona e actual presidente di Merca, Donald Trump, den nomber di su antecesor, Barack Obama, durante e campaña di 2016.
Fuente: CNN en Español