Carta abierta di Sergio Tjie-A-Loi dirigi na Minister di enseñansa di Aruba

0

Apresiable Minister, permitimi dirigi mi mes na su persona.
Razon di es carta aki ta cu awe mi a scucha na radio cu alumnonan di un scol di MAVO, pa bastante tempo no ta haya les di Ingles. Mi a keda totalmente babuca cu awe año 2016, cu tur forma y medionan di comunicacion ta parce cu ainda su persona of departamento di enseñansa of inspector no ta na altura cu tin diferente docente cu ta cana rond aki na Aruba, cu nan diploma y experiencia. Den mi humilde posibilidad como empresario independiente y ex maestro mi tin ya un aña caba ta yudando un maestro gradua 2e graads den e idiomanan Ingles y Spaño, pa sobrevivi financieramente.
Scuchando e mensahe na radio, mi persona a sinti e necesidad pa scirbi es carta aki na su persona.
Mi no ta compronde kico por ta e motibo cu tanto yiunan di tera cu e bunita profesion di ta maestro y cu nan diploma den nan man, ta canando rond sin destino y sin e posibilidad pa eherce nan trabao.
Mi mas sincero gradicimento na su persona, pa a tuma un momento pa lesa es carta aki.
Sergio Tjie-A-Loi