ATLANTA, Merca- Diahuebs 30 di November, Carlos Monterio declara na su televidentenan y fanaticonan cu diabierna 1 di December lo ta su ultimo dia na CNN. El a emiti e siguiente declaracion: “Awe mi kier anuncia e fin di un biahe fabuloso, cual mi a cuminsa 20 aña pasa, akinan na CNN. E gerencia a anuncia algun dia prome cu nan lo no renoba mi contract. Un noticia cu indudablemente a hurt mi hopi, te ainda, ya cu e tres letternan ta marca den lo mas profundo di mi curason. Mi ta bay cu e miho recuerdonan y cu e satisfaccion di a duna lo miho dimi cada dia durante e dos decadanan aki.”.
El a recorda cu el a bishita Atlanta, pa prome biaha, como coresponsal di un noticiero Argentino, pa mustra con e cadena tabata cubri e Golf War. “E tempo ey, tabata parce un soño imposibel traha pa e lider mundial di noticia. Pero semper mi a bisa cu, si bo ta desea algo cu hopi fervor destino lo dunabo esaki. Seis aña despues CNN a cuminsa un servicio di noticia di 24 hora y Abel Dimal y Chris Crommett a contrata su persona, pa cual e ta sumamente gradicido. Y eynan e biahe aki a cuminsa, cual lo termina mañan, diabierna 1 di December.
E salida di Montero ta den cuadro di un restructuracion y reasignacion di recursonan despues cu e Departamento di Husticia di Merca a blokia e compra di Time Warner, cas matriz di CNN, di parti di AT&T.
Montero a traha den e cadena di noticia na Spaña desde e aña di su fundacion. Ainda no ta conoci pa cual medio e talentoso periodista aki lo bay traha.
Fuente: https://www.infobae.com