Na un ceremonia di premiacion net prome cu lunch, cu a tuma lugar na Kiana’s Restaurant, Caribbean Palm Village Resort a anuncia Departamento di aña pa 2017, cu dos candidato compitiendo pa e premio maximo. Nan puntonan tabata practicamente identico y e miembronan di gerencia y di board a tuma e decision di recompensa ambos cu e titulo di Departamento di aña 2017. Housekeeping, bao liderazgo di e hefe di e departamento, Cristina Galindo, y Front Desk/Reservations cu Daisy Gomez na cabes, a solicita un prestacion semanal cu ta wordo anota riba caarchinan di comentario di e hotel. E encuestanan pa midi satisfaccion di cliente a wordo completa pa miembronan y bishitantenan, nan a wordo conta y na fin di aña e president di conseho Ed Hayes a determina cu basa riba e resultadonan y un memo di invitacion skibi pa e hefenan di departamento, cu ambos a sobrepasa tur expectativanan.
Ambos departamento a wordo honra pa Hayes, y Gabri de Hoogd vice president di Coop Board, y Astrid Muller, General Manager interino den asistencia.
Hayes a gradici e ganadornan pa nan trabao duro y dedicacion, specialmente durante e 72 dia cu e pool a pasa door di un renobacion completo cu a causa hopi stof y otro inconveniencia, sin embargo e esfuersonan comunitario a duna su fruto, y e hotel a avansa trahando den harmonia, acomodando e bishitantenan y miembronan sin interupcion.
Daisy y Cristina a ricibi e certificadonan di excelencia den nomber di nan departamento y tambe un bouquet di flor. Cada miembro di ekipo a ricibi un pin di ‘Customer Service Satisfaction’ cu ta diseña pa wordo usa tur dia y cu orguyo. Lunch a wordo sigui pa bolo cu a wordo sirbi despues di e ceremonia agradabel. Muller ta expresa cu e hotel ta prepara pa brinda un servicio excepcional na e bishitantenan y miembronan den 2018, y cu tur departamento ta postula nan mes pa e premio di Departamento di aña 2018.