Despues di hopi tempo, por fin hospital di Aruba ta conta cu su departamento di cateterisacion. Esaki tabata un necesidad grandi pa e departamento di Cardiologia na Aruba. Dr. Rinse van der Schaaf ta amplia.
Gobierno di Aruba a pidi cardiologonan di Hulanda, pa studia e posibilidad pa nan por bin yuda nan coleganan na Aruba, pa set up un centro di cardiologia na Aruba. Na 2015 a traha un rapport pa wak e posibilidadnnan. Y esaki a resulta di ta positivo.
Despues di hopi trabao di un ekipo grandi, y varios estudio, cardiologonan a logra di haci e prome operacion. E ta un procedimento caminda cu un cathether, dus un corta chikito, ta wordo instala na e pols di e persona, of den e area di e lies, pa asina yega na e curason. Esaki ta den caso cu e pashent cu su klepnan di curason ta cera.
Aruba tin hopi mas casonan cu Hulanda, y esaki ta pa motibo di presion halto, diabetes, obesidad. Mescos cu ta personanan cu problema cu riñon tambe ta kom voor mas na Aruba cu na Hulanda. E procedimento a bay mescos cu na Hulanda. Y esaki ta un señal cu e pashent no tin mester di wordo manda Colombia of Miami.
Den hopi caso, e pashentnan no ta sinti nan mes comfortable cu nan tin cu bay afo. Pa es motibo aki tambe, dokternan di Aruba a reuni y busca e posibilidad pa haci e tipo di operacionnan akin a Aruba mes, segun dr. Rinse van der Schaaf.