CARACAS, Venezuela – Gobernador di Miranda, Henrique Capriles, a anuncia cu e Toma de Venezuela a cumpli den e capitalnan di e 23 estadonan di e pais, lagando 147 persona herida y 120 herido producto di e represion di e Gobierno Venezolano.
El a invita hende pa mobilisa mañan pa e Asamblea Nacional pa apoya e sesion.
“E Venezolanonan tin cu haci todo por todo pa evita un golpi di estado. Awe no tabata tin problema na Caracas pasobra nan no a manda nan grupo paramilitar ni forsa arma pa reprimi ningun hende,” el a expresa.
El a sigura cu e lo arma un informa riba e agresionnan pa presenta esaki dilanti instancianan internacional. “Violencia pakico, pasobra nan kier revocatorio?” el a cuestiona.
El a reitera cu e marcha di dia 3 di November tin como destino e palacio di Miraflores pa pidi e revocatorio na Nicolas Madyro y cu oposicion awendia ta mayoria.
Fuente: NTN24