CIUDAD DI GUATEMALA, Guatemala- E Instituto Nacional di Ciencias Forenses a ubica na 75 e cantidad di curpanan rescata despues di e erupcion di e volcan Fuego na Guatemala. Ademas, al menos 192 persona a wordo raporta como perdi. Esaki ta cifranan duna door di e secretario ehecutivo di e Coordinadora Nacional pa Reduccion di Desastre (Conred).
Diamars anochi, e Instituto Nacional de Sismologia, Vulcanologia, Meteorologia e Hidrologia a informa di otro generacion di fluho piroclastico den direccion di e cayon Las Lajas. E Coordinadora Nacional pa Reduccion di Desaster di Guatemala a sigura cu ta “importante pa keda calmo”.
Diamars atardi autoridadnan a realisa labornan di evacuacion den comunidadnan cerca di e volcan Fuego, “debi na e actividad di e volcan tin chens di aumenta”, segun Conred.
Aunke e cantidad di personanan herida ta keda na 46, e cantidad di personanan den shelter a subi na 1877, den varios di e centronan ubica den e estadonan mas afecta: Sacatepéquez, Escuintla y Chimaltenango.
Ademas, 3271 persona a wordo evacua for di rond di e volcan cu a drenta den erupcion diadomingo.