ANTARCTICA – Cantidad di ijs den e polonan di Tera a registra un record nobo di descenso na Januari, mientras e temperaturanan di e planeta e luna ey tabata e di tres mas halto di e era moderno, Gobierno Mericano a informa diahuebs.
E analistanan di e Agencia Nacional Oceanico y Atmosferico di Merca (NOAA), a determina cu na Januari e temperatura di tera tabata 0.88 grado superior na e promedio di siglo XX, segun a indica den un informe.
“Ta e temperatura mas halto pa un luna di Januari” cu a keda registra desde 1889 cu excepcion di 2016 y 2007, ora cu a registra esunnan di mas halto y e di dos temperatura mas halto respectivamente.
E temperaturanan halto inusual aki a contribui cu e ijs lo dirgi den Artico, unda cu e promedio di e arera di ijs tabata di 1,26 miyon di KM2, es decir un 8.6% menos di e medio registra entre 1981-2010.
“Ta trata di e superficie mas chikito na Januari desde cu e registronan a cuminsa na 1979: 258.998,81 km2 menos cu den e record anterior fiha na 2016,” e informe a señala.
Den Antartida, e extension di ijs na Januari tabata di 1.1 miyon di Km2, un 22.8% menos cu e promedio registra entre 1981 y 2010.
“Esaki tabata e extension di ijs na Antartida na Januari mas chikito desde cu e registro a cuminsa na 1979 y algun 284.898 km2 mas chikito cu e record na 2006,” el a agrega.
Apesar di e reduccion di e nivel di e ijs polar, awaseronan a varia ampliamente riba e planeta na Januari.
E caida di sneeuw tabata mas intenso den e hemisferio nort, unda cu a alcansa mas of menos un 2.305.089 km2 mas cu den e medio di 1981-2010.
Fuente: AFP